ابي افكاااار ممكن تساعدوني؟؟؟؟ [الارشيف]

عرض كامل الموضوع : ابي افكاااار ممكن تساعدوني؟؟؟؟

شمس الحب

02-02-2008, 08:40 PM

السلام عليكم

اخواتي ابي افكار لفصلي

من كل النواح اللوح والاسماء وكل شي

فصلي فصل الفراولة

بليييز ساعدوني

في اقرب وقت

وهذي هدية قبل لاتعطوني الافكار

icon33icon33icon33

منال العنزي

02-09-2008, 05:55 AM

السلام عليكم

انا عضوة يديده وياكم

وحبيت ارد عليج بما ان فصلج فراوله نفس فصلي فحبيت اساعدج بجم فكره

انا طبعا سويت صفي شخصية ستروبري واخذت صورة من قوقل لستربري قاعده بحديقه وكلها ورود وفراشات حوالينها

وماسكه شبك اللي يصيدون فيها وهالشبك تبي تصيد فيه فراشات وهالفراشات سويتهم الوان

وبهالنقطه اكون اخذت درس الالوان بهاللوحه والورود اللي بالحديقة اللي واقفه فيها الشخصيه تكون كبيره شوي ومكتوب

بداخل كل ورده رقم مع طريقه كتابيته بالاحرف

طبعا هذا كله بالانجليزي لان انا مدرسه روضه بمدرسه باكستانيه وتعتمد المنهج الانجليزي

وسويت هالشي عن طريق الفلين .. اشتريت لي قطعه فلين كبيره وسميكه ورسمت عليها الشخصية ولونتها بالغراء

يعني سويتها على هيئة مجسم كبير .. والفراشات هم رسمتهم على الفلين ولونته بالألوان الشينية

ووقصقصت الفراشات على حجمها وحطيت على سطحها صمغ ولصقت عليه لمعه

تلاقين هاللمعات عند ابو امية فلس .. اتمنى اكون افدتج بشي .. واي افكار يديدة بسويها لصفي بكتبها لج انشالله

موفقه

شمس الحب

02-09-2008, 01:17 PM

يسلموووووووووو منال على الافكار الروعه

ويعطيكي الف مليون عاافية

كفيتي ووفيتي يالغالية

منال العنزي

02-10-2008, 01:10 AM

العفو حبيتبي ولو ما سويت شي

اهم شي حطي ببالج ان الديكور ما يكون لمجرد الديكور .. لازم يكون ديكور جذاب وملون يجذب انتباه الطفل وبنفس

الوقت يكون تعليمي ويستفاد منه ..

مثلا .. بدرس الانجليزي لابد ما تكون فيه كلمات ضمن ماده الانجليزي مثلا

book_box_pencil

وإن كان بالمدارس العربية .. مثلا أرنب _كتاب_قلم

ونفس هالشغلات ..

هني انا بسوي فكره ميكي ماوس .. طبعا على فلين مجسم ويتقصقص بعد التلوين ..ويصير كأنه شخصيه حقيقة

ويكون هالميكي ماسك بيده العصا السحرية مالته .. وطالع منه لمعه .. طبعا نحط صمغ على الطوفه ونرش عليها لمعه

ملونه .. ويكون لابس نظاره .. علشان يكون شكله مدرسه او أبله .. ونجيب بطاقات ونكتب عليها الكلمات التعليميه

اللي ذكرتها قبل شوي ...ونلصقهم حوالين العصاية يعني هالميكي مدرس وقاعد يعلمهم هالكلمات

تأكدي ان هالنوعيه من التعليم تثبت برأس الطفل .. لانه مو بس تعليميه .. تعليميه وترفيهيه وشخصيه ميكي قريبه

من الاطفال .. وممكن تستعينين بأي شخصية كرتوينيه تحبينها ...

واذا تحتاجين رسم .. ترى انا شاطره بالرسم .. وحاضره لو احتجتي شي .. ان كنتي بالكويت فمن عيوني

بالتوفيق

شموخ الأحزان

02-13-2008, 02:20 AM

ممكن كمان تسوي سفينه من فلين كبيره وتسوي خلفيه زرقاء بلون البحر وفيه سمكات وكأن السفينه ترمي شبك علشان تصطاد السمك.
ممكن كمان تسوي بيض من فلين وتسةي تحت البيض عش من أوراق بنيه (ورق مشاريع) وتحطيها في قصاصة الأوراق وتسريها زي العش تراها مره حلوه سويتها في فصلي ولك من شافها عجبته