محتاجة افكار ووسائل ضرووووووووووري [الارشيف]

قلب ينبض

02-08-2008, 02:36 PM

السلام عليكم ورحمة الله وبركاته

بنات الله يسعدكم ابغى افكار ووسائل لمواد الدين متوسط

يعني في نهاية الدرس لما اقيمهم ....

الله يوفقكم يارب...
icon33

لحظة شجن

02-13-2008, 01:06 AM

وعليكم السلام ورحمة الله وبركاته

هلا بزميله المهنه :)

في فكره قرائتها باحد المنتديات وناويه انفذها بأذن الله الترم هذا

الادوات المطلوبه

فلين +اكواب الشاي الورقيه + خيوط + علامه ليبتون

او اي نوع من الشاي اللي تستخدمونه

الطريقه

تأخذين اوراق الشاء وتقصينها بالنصف وتجيبين لوحه الفلين وتثبتين عليها

انصاف الاكواب وتجيبين الخيوط وتحاولين تثبتين فيها علامه الشاي حتى تصبح

مثل اوراق الشاي الجاهز .. وبكذا تكونين انتهيني من اللوحه ..

الاسئله التقويميه بتكون داخل كل كوب ورقه فيها السؤال تسحبها الطالبه وتجاوب عليها ..

للاضافه ممكن تزينين الفلين باشياء تجذب البنات وتبعدهم عن الروتين ..

وفي فكره ممكن تغير جو الحصه اذا دخلتي ع البنات تقولين لهم اليوم ماراح ناخذ درس بنجلس نسولف مع بعض

وتحاولين تمهدين لهم لما توصلين لعنوان الدرس وبعدها بدل الشرح التلقائي خليه كانه سوالف مثلا درس السحر

من تقولي وش حكم السحر من تجيب دليل عليه ...الخ حتى ينتهي الدرس بسلام :)

بشرط تكونين قادره تضبطين الطالبات حتى مايضيعون الحصه عليك ..

:

فكره ثانيه تنفع اذا عندك حصه اولى اكتبي اسئله التطبيق باوراق ملونه

وروحي الفصل قبل يجون البنات وحطي الاسئله تحت كراسي البنات او طاولاتهم

وبعد ماتنتهين من الشرح اطلبي منهم يبحثون عنها في المكان اللي خبيتيه وكل وحده

تقراء السؤال وتجاوب عليه ..

:

الفكره الاخيره سريعه ودايم استخدمها اذا احد بيحضر لك فجأه وماكنت مجهزه حاجه

اكتبي الاسئله بطاقات ملونه واكتبي مع كل سؤال تجب ع السؤال الطالبه التي امامك ، خلفك ، بجانبك ،

الطالبه نفسها ، اختاري طالبه تجيب .. وهذي الطريقه الحلو فيها انك ممكن تشركين كل الطالبات بالتطبيق

لانه السؤال راح تقراءه طالبه .. والاجابه من طالبه ثانيه ..

:

هذا مالدي الان وان شاء الله يعجبك ..

واللي عنده افكار غيرها لايبخل علينا فيها :)

أختك

لحظة شجن

قلب ينبض

02-13-2008, 04:31 PM

مشكورة ياقلبي

لحظة شجن ماقصرتي**

الله يرضا عليك ...ان شاء الله اذا لقيت حاجة تفيدك نزلتها هوووووووووووون

الله ييسر لنا يارب
الا انتي باي كلية او جامعة...

مع حبي**

لحظة شجن

02-13-2008, 05:13 PM

العفووو يالغلا

نعين ونعاون اختي :)

انا مدرسه بمدرسه خاصه

وماسكه اول وثاني متوسط

اذااحتجتي شيء لايردك الا كيبوردك :)

بنت السلطان2

02-28-2008, 05:17 PM

بنات عطونا افكار حلوة ومشجعة للبنات