ساعدوني الله يخليكم

[مياسين]

السلام عليكم ورحمه الله وبركاتة

انا عضوووة جديدة في المنتدى وهاذي اول مشاركة لي
وانا طالبتكم في خدمة جزاكم الله خير

انا ادرس في ثالث كلية وعندي تطبيق

ودررسي الوحدة 14 الدرس 2 لثالث متوسط
وهو يتكلم عن استخدامات التلفون


وبتحضر عندي المشررررفة يوم الثلاثاء تقيييمicon24

ومشكلتي اني ما قدرت احط مقدمة لدرس اخلي البنات ينجذبون لي ويشدهم الدرس:(:(
ابغى مقدمة ويكون فيها ربط بالواقع
يعني هذي المقدمة تخلي الدرسسس شيق وممتع هذا كلام المشرفةicon23
واهم شئ يكون مرتبط بالواقع

الله يخليكم دبروني

وهذا رابط الدرس

[ღبنت زايــدღ]

وعليكم السلام ورحمة الله وبركاته

هلا فيج أختي .. نورتي المنتدى .. واتمنى ان تستفيدي وتفيدي :)

سعيدين بانضمامج


::


بالنسبة للدرس ..


ممكن تسوين عرض باوربويبنت عن بداية اختراع التلفون .. واشكاله من البداية إلى شكله الحالي

بشكل مبسط وبدون تعمق كي لا تخرجي عن صلب الموضوع ..

ويكون السلايد الاخير عن شكل التلفون الحالي ... وتضعي سؤال بالخط العريض ..ما هي استخدامات التلفون ..

وهنا انتي تاخذين المعلومات اللي عند الطالبات .. وتبنين عليها باقي الدرس ...




(بصراحة درس غريب ومحدود ... أقترح انج تتوسعين فيه شوي)


في لعبة حلوة ممكن تلعبيها مع البنات .. انا لما كنت في التدريب العملي .. استخدمتها :)

ممكن تكون في بداية الدرس ..

اللعبة اسمها : running dectation

فكرتها هي انج تكتبين 5 فقرات قصيرة جدا .. << لا تزيد على 3 أسطر .. ممكن تكون عن الهواتف!

وتوزعيها في الصف على الجدران (الشرط يكون الخط كبير .. 18 أو 20 ) علشان يسهل على الطالبات القراءة ..

وتقسمي الطالبات إلى : runners - writers

يعني تكون كل طالبة عندها شريكة في اللعبة .... واحدة تكون runner والثانية writer

الـ writer مهمتها تجلس على كرسي وتمسك ورقة بيضاء وقلم وتكتب أي كلمة تعطيها أياها

الـ runner


الـ runner مهمتها أنها تركض للورقة المعلقة على الجدار .. وتحاول تحفظ كلمتين أو ثلاث

وتركض إلى الـ writer علشان تمليها .. وهكذا


يفضل ان تكتبي الخمس فقرات على خمس أوراق مختلفة الالوان .. وتوزعي الطالبات

كل ورقة يكون لها 5 runners مثلا ...


رح يستمتعوا الطالبات بالركض والضحك << وأحلى موقف لما تركض الـ runner وتكون متحمسة

ولما توصل .. تنسى الكلمة .. خخخخخخ

توقيت اللعبة لا يزيد على الـ 3 دقائق ... وبعدها تنهي اللعبة ..

وتوزعي على كل طالبة نسخة من الفقرة .. وتخلي البنات يتبادلوا الاوراق ويصححوها لبعض ..



:: ملاحظة:: هذي اللعبة رح تسبب شوية أزعاج .. بالنسبة لي ولمشرفتي ما كان هذا الشي مسبب لنا أي مشكلة .... لأن اللي يهم كانت متعة الطالبات ..

:)