يابنات كل وحدة اتقول ايش اسم فصلها لهذه السنه؟

[(طيف)]

مرحبا...

بما انه باقي شهر كامل تقريبا لفتاح المدارس يمدينا انجهز لفصولنا ونجيب افكار لبعض...

انا فصلي العام صف النحلات كان من الصعب انه الاقي اغراض اله قررت اغيره هادي السنه

الى صف الزهور جاي في بالي انه احط على اربع الطوف كله زهور من فوق الى تحت الطوفه

والسقف انزل منه زهور طبعا باسويها من الورق الملون وباحددها بالاسود عشان تبرز

بالنسبة للوحات التعليمية الى الان مابعد افكر شنو احط

يلا قولوا الي شنو اسما صفوفكم:cool:

[ارنوبه الكويت]

احنا ماعندنا اسامي للفصول


شكرا لك

[مدرسة ناجحه]

يعطيك العافية

[وتين.]

السلام عليكم ورحمة الله وبركاته:
أختي طيف هناك أسماء مثل:فصل الربيع،فصل الألوان،فصل النجوم.وفي رأي فإن الألوان سيجعل فصلك واحة غناء ومبهجة.
وفقك الله.

[اروح لمين]

كان فصلي الورود وكنت اتعب في قص الوردات الحين خلينا فصولنا على والت دزني الشخصيات فصلي ميكي وميني وزميلتي السنافر والثانيه سنو وايت والاقزام وحده مسويه تويتي احلى

[غموض]

سميييييييييييييه سبيس توووووووون

[رحابه صدر]

السلام عليكم
أنا أسم فصلي كان أطياف الورود
ودحين حابة غير إلى أطياف الفراشات وحيكون فصلي كلة فراشات

[الفرح كم]

ايش رايكم تخلونة فصل mbc3 عشان يتفعلون اكثر ويحبون الفصل وانا والمدرسة

[شمس مدرسات]

غاليتي.....

بارك الله فيك لطرحك الموضوع الي جاه بوقته.....

واتمنى من الجميع التفاعل ..وهذا لمصلحه الجميع......

انا طالبه متخصصه برياض الاطفال..ومن خلال زياراتي الميدانيه...

كان فصل المعلمه عادي لااسامي ولاحركات ولا شي....

مساكين الاطفال روووووووتين واحد.....

لاتبخلون علينا بأفكاركم الحلوه...

[moogdubai_72]

مرحبـــــــــــــــــــــــــــــــــــــــــ ـا
انشاء الله أنا صفي هذه السنه صف
B]الفراشات[/B]

[أبلة أماسي]

بسم الله الرحمن الرحيم
السلام عليكم ورحمة الله وبركاته ...
انا فصلي العام كنت مسميته (( عصافير الجنة )) وصديقتي (( عقد الجمان ))وصديقتي الثانية (لألئ الجنان ))
هذي السنة مفكرة أني أخلي الفصل كله عالم البحار صور لصدفات واسماك وفيه طريقة براسي بس مدري شلون اسويها يوم اني رحت لمحلات الديكور العايدية الي تغلف الهدايا قال لي اسويه لك 1500 بس ما ادري ما قررت وفكرت اسوي شبكة الصيد على شكل جيوب الصق اطرافها على الجدار واترك من فوق مفتوح وأكتب أسماء الأطفال جنبها على اصداف واجيب مجموعة كبيرة من اللولو الصناعي أحطه بصندوق الله يعينكم علي كلامي كثير المهم يااخواتي العزيزات بعد كذا ابين للأطفال أنه الي مثلا يحل الواجب تنحط له حبة لؤلؤ الي يكون مؤدب بعد احط له الي يحافظ على نظافة مكانه والصف بعد ينحط له والي يكون محافظ مثلا السبت والاحد لا تطلع الؤلؤ الي انحطت باليوم الي قبله واخر الاسبوع الاربعاء طبعا بالنسبة لي وضحicon35 من هو الي فاز واهو اكبر عدد من الؤلؤicon27 أشتري مجموعة العاب للي فاز وتكون شوي كبيرة والباقي اخذ لهم العاب اقل مستوى من الفايز عشان احفزهم وبنفس الوقت ما يزعلون على الفايز ويتشجعون طبعا مو كل اسبوع العاب مرة العاب مرة حلويات icon45 مرة شيبس كل اسبوع تتغير الهدايا ممكن تكون لواصق على مذكراتهم ودفاترهمicon29 <<<< طولتيها وهي صغيرة عاد فينا الكلام الكثير انا مالي سنة من تعينت ومحتاجة لمساعدتكم معي من ناحية طريقة الشرح الاساليب والاشياء الي ممكن تساعدني في تقديمها لهم اسفة للتطويل عليكم الله يعطيكم العافية ويرزقكم يارب ما تتمنون

[إيمان 77]

السلام عليكم ورحمة الله وبركاته
اسم قاعتى هذا العام هو الزهور وكان قبل ذلك قاعة النور ، وعصافير الجنة

[اروح لمين]

انا غيرت فصلي هالسنه وخليته الغابه الخضراء
وبجد اللون الاخضر بدرجاته مع البني والوان الزاهيه معطيه منظر الفصل اكبر من ذي قبل وصار يشرح النفس بس حابه اسأل ايش اخلي لوحه التعزيز ابي فكره الله يخليكم

[limona12]

انا اسم فصلي روضة البراعم

[limona12]

انا مسويه كلو فراشات وازهار فصل يشرح النفس وكل واحد يدخل يقلي ماشاءالله فصلك مررررررررره حلو

[moon_1981]

انا معلمة رياض اطفال وفصلى السنة دى اسمة الفراشات

[هوبه الحلوه]

^&)§¤°^°§°^°¤§(&^فصلى اسمه club اى النادى^&)§¤°^°§°^°¤§(&^

[maymoona]

مشكورة عزيزتي على الموضوع الحلوو

أنا صفي هاي السنه .... النمر الوردي .... بنك بنتر

أما السنة الماضية كان مدهش ( مدهش دبي )