تكفون ساعدوني ( اللي عنده معمل حاسب )

[بنت الساحل]

السلام عليكم ورحمة الله وبركاته


تكفون ياخوان ويااخوات اصحاب معامل الحاسب


أنا اليوم طلبت مني المديره أعمل جرد لعهدة المعمل وكان فيه أشياء مافهمتها ولا عرفت أسماءها ياليت تفيدوني فيها


الأول :
جهاز مودم خارجي /// شفت شكله في كتاب ولكن عندي جهاز يشابه له وماهوهو ، واضعينه قريب من الطابعات بمعهد الكمبيوتركنا نسميه الهوب فهل الهوب هو المودم الخارجي ؟

ثانيا / كابينه اتصال كيف شكلها .


ثالثا / مثبت الجهد أعرف شكله ويوضع بالأرض بالقرب من التمديدات تتبعت غرفة الحاسب من أولها لأخرها ماشفت مثبت جهد مثل اللي كنت اشوفه بمعمل المدرسة اللي نقلت منها فمااادري هل له اشكال اخرى ..مع ان اشك ان مافيها مثبت جهد لأن الشبكة اول ماجربتها ضرب عندني جهاز المعلمة وشميت رائحه إحتراق بسيط ..


رابعا / اشرطة للطابعات النقطيه مااعرف شكلها تكفووووووووووون اوصفو لي الشكل او جيبو لي صوره لها

خامسا / كاتردج لطابعة الليزر مااعرف شكله ولا ايش معني كاتردج اللي قريته انه مثل اشرطه تسجيل بس مااعرف شكلها ..

سادسا / كاتردج اسود وابيض ايش المقصود بوه

سابعا / كاتردج ملون للطابعه النفاثه .


ثامنا / مجمع اشارات نبض كيف شكله



تكفون ياخوان ويااخوات جاوبوا لي على اللي تعرفونه اذا كان فيه صوره ادرجوها لي واذا كان مافي اوصفوا لي الشكل ....


ضروري تكفون لازم اسلمها العهده يوم الاحد ...


تحياتي

[صوت الحب والمطر]

1- الموديم الخارجي : عبارة عن صندوق صغير يوجد به مدخل لسلك الهاتف ومخرج للكمبيوتر

البعض يطلق على موزع الشبكة الهوب موديم خارجي .. لكنه ليس موديما خارجياً ولكنه مزع للشبكة


2- كابينة اتصال : لا علم لدي .. لعل المقصود الجهاز الرئيسي في الشبكة والمسمى بالسيرفر البسيط
والذي تتوصل فيه كافة الأجهزة وعادة يكون في تحكم المعلمة يعني قريب من مكان تواجدها بالمعمل

3- مثبت الجهد نعم كما ذكرتي واذا لم تجديه فهو غير موجود .

4- اشرطة الطابعات النقطية عبارة عن علبة بلاستيكية طولها تقريبا من 10 الى 25 سم وعرضها من 5 الى 10 سم
حسب نوع الحبر
بعضها طويل وبعضها قصير الجزء الأمامي منها مفتوح ويظهر منه شريط عرضه 1 سم تقريبا يمر على راس الطابعة النقطية
وتطبع الحروف على الشريط والشريط يطبع بالوانه على الورق
في عمله وفي شكله قريب من شريط الالة الكاتبة .... خفيف الوزن

5- كارتدج الطابعة الليزر شكله قريب من شكل الاسطوانة لكنه ليس اسطواني الشكل
ادخلي هالموقع وشوفي شكلها
http://www.tonercartridgedepot.com/laserjet-1100-13066d.html


6- كارتدج اسود وابيض ... نفس السابق في النقطة 4 لكنه ياتي بلون اسود واحد فقط والملون ياتي الشريط مقسم الى 3 الوان (اصفر واحمر وازرق ) واحياننا يكون اللون الاسود رابع فيه

7- مجمع اشارات نبض .. المسمى غريب جدااااااااااااااا
لكنني هناك موزع يستخدم لتوزيع الداتا على اكثر من شاشة مثلا لكي تعمل على جهاز واحد
او مجمع لأكثر من جهاز لكي تطبع جميعها على طابعة واحدة مركزية


انصحك نصيحة :

اللي ماتلاقيه اكتبي غير موجود ... عشان ماتتوهقين
زي الموديم مثلا انتي لقيتي هوب ... قولي غير موجود وضعي بين قوسين يوجد هوب توزيع شبكة فقط !!

اتمنى أكون أفدتك

أخوك / صوت الحب والمطر <<< حاسس ان الفراشة تعبتت من كثر ماتفهم البنات اني ولد مو بنت
ولذلك كتبتها

[صوت الحب والمطر]

يفترض نقل هالمقال لقناة الحاسب والانترنت :)

[بنت الساحل]

الله يسلمك ويجزاك خير ياخوي ..

فعلا افدتني بهذه المعلومات ...

وفعلا انا خايفه اكتب موجود بعدين لو انقل ويعملون جرد للعهده يقولون وينه :(

تصدق مديرتي كانت ملحه علي اسلمها العهده بنفس اليوم ( الاربعاء ) بس قلت لها لازم أشوف بعض الاشياء مانى عارفه ايش يقصدون فيها مع ان جهاز المعلمة متعطل الا انها تقول اكتبي التمديدات والشبكه سليمه بس رفضت لأنهم ماجو يصلحون الشبكه ولنا تقريبا أكثر من اسبوعين من ايام العوده وحنا مبلغينهم بالعطل بس ماحولك احد :(

[صوت الحب والمطر]

زين سويتي اختي بنت الساحل

واذا المسالة مجرد توقيع قولي لها خلاص وقعيها انتي بالنيابة

اما اذا جرد فالموضوع يحتاج بحث وترتيب للعهدة عشان الجرد

وإياني وإياك توقعين على شيء غير موجود ....

وعشان ترتاحين اجردي الموجود وسوي فيه بيان وسلميه للمدير بمسماها العلمي المعروف
مو تسمي الهوب .. موديم خارجي !!!

وكل عام وانتي بخير

[بنت الساحل]

تسلم والله ياخوي :)