تكفووووووووون فرحو بنتي ...........

[ام مشاري @]

السلام عليكم ورحمة الله وبركاته

عارفه ما راح تخيبون ظني فيكم

بنتي في التمهيدي اختاروها نجمة الاسبوع<<<<<<<<<<<<<< انهبلت الحرمه

هذا وهي في التمهيدي

المهم الله يخليها لي قول آمين

وطلبت مني المعلمة انه يوم الاربعاء القادم اكون معها في المدرسة
ونحتفل بهذا المناسبة من باب تشجيع البناتicon45

تراكم معزومين

ابغى افكار يعني ابغى العاب للاطفال هدايا و العاب في الفصل يعني مسابقات وقصص

وابغى افكار مطويات تخص بنتي وصديقاتها بالاصح كيف نقضي اليوم معهم لاني انا اللي اجيب الهدايا والالعاب برضوه

لا تاخرون علي
icon11 <<<<<<<<<<مررررره متحمسه

[ام مشاري @]

[ماكنش والله العشم

يعني 18 زائر ولا واحد رد

ولا حتى كلمه الله يخليها لك

[معلمه طموحه]

الله يخليها لك يارب

والله ما عندي فكره ولا اساعدك

[ام مشاري @]

تسلمين معلمة طموحه

منورني مرورك
ولك مني احلى تحية

[شوكلت]

سلام ام مشاري لا تاخذيني ما قريت موضوعك الا تو

والله مو عارفه ايش اقولك

مو ما عندي فكره الا عندي افكاااار كثيره

وماادري وش اختارلك

بس بقولك الافكار الي سوها بعض الامهات عندنا وكانت مميزه

اول شي جيبي البوم صور جمعي صور لبنتك من كانت في اللفه لحد عمرها الحين

يعني جميع مراحل حياتها

واسألي معلمتهم بأي وحدهتعليميه هالاسبوع هم

وحسب الوحده حاولي تجيبي الهدايه

مثلا لو وحدت المسكن اشتريلهم اكواب تذكاريه او ساعات لغرفهم او اي شي ينفع

يستعملونه ببيتهم

اذا وحدهالايدي شي ينفع يستخدمون ايدينهم فيه مثل لعبه فك وتركيب

واذا صحتي وسلامتي جبيلهم هدايا مثل فرشه اسنان ومعجون شكله جذاب حق اطفال

وهكذا حسب الوحده

افضل من الهدايه الي بيلعبون فيها بوقتها ويرمونها

وحطي لكل واحد هديته بكيسه

مككن توصين على كيكه عليها صورة بنتك وكلمه حلوه

وممكن تجيبي معك قصة بنتك تحبها وتفضلها وتحكيها لهم

او جبيلهم قصه سمعيه يسمعونها على مسجل

وممكن شريك فيديو لبنتك في مناسبه تخصها او وهي صغيره مره

وممكن تسويلهم مسايقات منوعه ومفيده

مثل شرب الحليب او اكل الكيكه ومين يخلصها قبل

ممكن لعبه مشابك الغسيل تحطيها قدام اثنين تختاريهم وتعطيهم اشاره

متفقه للبدايه

ويبدأو يشبكوها في كل مكان في شعرهم في ملابسهم وتعطيهم اشاره النهايه

ثمن تعدوها وتشوفو كم كل واحد جمع

ممكن صندوق اللمس

فيه عده اغراض وفيه فتحه يدخل الطفل يده ويلمس الشي ويخمن وشو

ممكن لعبه الكراسي المعروفه والمحبوبه

يعني هذي عده انشطه

وكيف تبداي بتعريفك لنفسك عند الاطفال

ثم التعرف على اسمائهم

ثم تتحدثي عن بنتك وترتيبها بين اخوانها واخواتها ووتتحدثي عن طفولتها

وتوريهم صورها اللي جبتيها معك ثم تقوليلهم عن القصه الي تحبها بنتك

وبعدين قوليلهم شرايكم نلعب سوى

وتدخلو على المسابقات

بعدين اخر شي طلعي الكيكه وقسميها عليهم وتكوني مجهزه صحون وملاعق بلاستيك

ولا تنسي تعطي معلمتها

ثم تشكريهم في الاخر ونساليهم انشالله انبسطتو وايش اعجبكم من الاشياء اللي سويتوها سوى

ثم تقوليلهم بعطيكم شي تذكاري عشان تتذكرو هاليوم الحلو وتتذكر (اسم بنتك ) وام (اسم بنتك)

وتودعيهم


لا تنسي تشكري معلمتهم ومشرفتهم (المساعده) بالقسم واذا حابه تجيبيلهم هديه بسيطه

بينبسطووووووووون مره


امانه قوليلي وش سويتي وكيف كان يومك

تحياتي لك

وربي يخليلك بنت


تشاااااااااااااااااااااو

[ام مشاري @]

وعليكم السلام شوكلت

ياعمري عمرك والله

معليش تو اشوف الرد انشغلت بالاختبارت بحكم اني المسؤله عن الحاسب في مدرستي

بس ابشرك

الحفلة مثل ماقلت سويت

بس يا فشلتي

نسيت الشوك والصحون البلاستك

ذاك اليوم كان مطر غزير على الرياض

اكرر شكري وامتناني

[شوكلت]

كويس الله يبشرك بالخير

معليش مافي شي كامل

بس لا تنسينها المره الجايه