نداء عاجل لاهل الغربيه(جده@مكه@المدينه)

[نسمه ناعمه]

مرحبا عزيزاتي
يااهل الحجاز كيفكم؟
والله وحشتوني ووحشتني اكلاتنا الشعبيه الحلوه ,انا للاسف بعيده عن ترابك يامكه
وعن بحرك وسحرك ياجده,واليوم اذكرت مشروب عندنا ومشهور اسمه السحلب احب
دايما اشربه في البلد في جده في( باب مكه) بالتحديد وطعمه خيالي لايوصف وانا مااعرف
طريقته اتوقع مكوناته هي النشأوالحليب وماء الورد وللزينه لوز محمص وجوز الهند مو كدا؟
تقريبا زي قهوة اللوز ,لكن اللي تعرف الطريقه المزبوطه ياريت ماتتأخر علي.

[عازفة الليل]

و الله حسبت إن أقدر أساعد

لكن و الله أنا مأعرفها

تحياتي

أهداب

[نسمه ناعمه]

اخس عليكم يااهل الغربيه
كذا تطنشوني ولاتردوا عليه انا زعلت هه.

[ام فهد]

السلام عليكم ورحمة الله وبركاته


ولاتزعلي اخت نسمه خذي عندك المقادير


3ملاعق حليب بودره مذوبه في كاس ماء + سكر حسب الذوق + ملعقه نشا مذوبه في نص كاس ماء


طبعا النشا يضاف بالتديج الى ان يثقل الخليط شويه

بعدين تضيفي اللوز المحمص والفستق

ويرش الوجه بالزنجبيل المطحون

وبصراحه انا ماأحب ماء الورد في الاكل عشان كذا ما اضيفه


وفي طريقه ثانيه

انك تضيفي شوية سحلب بودره مع النشاء وبنفس الطريقه

وتحياتي لك

[نسمه ناعمه]

الله يعطيك العافيه ياام فهد
انقذتيني نفسي فيه من فتره كأني اتوحم بس مافي شئ
لكن يمكن عشان البرد اشتهيته.