المعلمات البديلات... احد يدلني الله يفرج لكم

[دلع ماله سنع]

انا معي بكالوريس رياض اطفال
وخبره سنتين
سمعت ان فيه طريقه للعمل في المدارس الحكوميه كبديله
بدل المعلمه الللي عندها اجازه امومه مثلا

كيف التقديم وايش الاجرائات وايش المهام الوظيفيه وكم يكون الراتب وطريقة العقد

ياليت تفيدوني
الله يفرج لكم

[همـــس الغـــلا]

اولا التقديم يكون عن طريقة الخدمة المدنية

وتكوني بكالوريس تربوية

طبعا يكلمونك علي حسب الادوار بالخدمة المدنية والاحتياج

الراتب 6150 يوميا 308 طبعا بدون عذر غياب ولا خميس وجمعه ولا غياب مرضي

وانا بديلة لمعلملة وهذي الاجراءات الي صارت
اقلها 3 شهور واكثرها تعاقد سنة ويتجدد ااذ احتاجوك ياخذون تقييم المديرة بعد انتهاء المدة


همس الغلا

[دلع ماله سنع]

وين مكتب الخدمه المدنيه في الرياض
وكم رقمهم
انا معي بكالوريس رياض اطفال
ياليت تقولين لي لاني مررررررررررررررررررررره محتاجه شغل

[الـراسـيـة]

ياليت يابنات
تدلوننا على الطريقة في التقديم

[ام عزو]

الطريقه يا حلوات انك اولا تقدمين لما يجي اي وظائف تطرح
واذا كنتي سبق وقدمتي اذن ملفك موجود

الخطوه الثانيه

كل شوي دقي عليهم وخاااااااااااااااصة مع بداية او نهاية كل فصل دراسي

لانهم ما يشوفون وش تقديرك وكم سنه ووووو
انما اللي تبلشهم كل شوي وتقول بحدث بياناتي تبشر بالوظيفه خلال ايااااااااااااام

وربي يوفقكم

[ام عزو]

نسيت شي

لانك لما تحدثين بياناتك راح يطلع اسمك على رأس القائمه>>قائمة الاسماء اللي نفس تخصصك

[الوردة]

الله يجزاك خير

أنا دبلوم الكليه المتوسطه لإعداد المعلمات قسم أقتصاد منزلى وتربيه فنيه تكفوووووووووووووون


أبغى الطريقه


ولو تكرمت أي مديرة تعطيني ورقه تطلب إداره بأذن الله أكون موجوده عندها

[جودي الساحره]

لانك لما تحدثين بياناتك راح يطلع اسمك على رأس القائمه>>قائمة الاسماء اللي نفس تخصصك

معليش شو يعني احدث بياناتي مافهمت عليك ممكن توضحي

جزاك الله خير

[انا الحلوة]

نبى معلومات اكثر الله يعطيكم العافيه

[ام بندر]

انا معاي بكالوريوس لغه عربيه

كذا مره اقدم مااحد معطيني وجه

ياليت تدلوني