ابي قصة [الارشيف] - منتديات مدرسات

عرض كامل الموضوع : ابي قصة

anona79

03-04-2007, 02:17 PM

قوة
منو عندها قصة تخدم خبرة بلدي الكويت
ولكم جزيل الشكر

hara sinsi

03-04-2007, 04:52 PM

انا اليوم كان علي القصه شسويت خذيت شخصيات (الام - الاب - الجدة _البنت هيا_ الولد عمر)
قصصتهم وخرمت دائرة عند راسهم وحطيت ورق شرايط هذا الي يصير كيرلي وربطته فيهم وربطته بعود فلمن تحركينهم جنهم صج يمشون وشكلهم كيوت
تحطينهم بمسرح حرايس المهم: القصه الفتها الاطفال ينطرون الاب عائد من الشغل ولمن دخل وسلموا اخبرهم ان عنده مفاجاة واهي ان ياخذهم للبحر لان باجر عطله يستانسون ويزهبون اغراضهم ويروحون وهناك طبعا يقعدون مع اليدة و تسولف لهم عن الماضي ومشقه الحياة واهميه البحر عاد انتي واسلوبج ولمن يقعدون ياكلون يرمي عمر المهملات في البحر وتلاحظ اخته وتفتن عليه طبعا اليدة ما تخليه وتنصحه وتعدل سلوكه وتقوله البحر امانه مثل ما خلوه لنل اجدادنا احنا لازم نحافظ عليه حق عيالنا

شرايج!!!

حبيبتي ابي تفهميني اشلون بالضبط نستخدم الفلوس كمنبه لخبرة الزي الشعبي عجبتني الفكرة

anona79

03-04-2007, 06:34 PM

والله ما عندي فكرة عن استخدام الفلوس كمنبه للزي الشعبي
بس ممكن عن طريق ورق الa4 تسالين ماهذا ( ورق ) ما شكله( مستطيل) ما لونه ( ابيض)
ماذا يمكن أن افعل بها ( انت عاد هني تقصين شكل الدشداشة)
وتخلي طفل يحضر من ركن المنزل دشداشة ويلبسها وتسالين منو يلبسها ( الأولاد و الأب ) بعد شنو يلبس ( الغترة والعقال ) ومن هني تدشين على الزي الشعبي
وتسئلين البنت شنو تلبس دشداشة ( لأ فستان ) وتسترسلين في الشرح
والتغذية الراجعة ممكن تحطين وراء كل طفل قطعة وتحطين طوقين وتطلبين من الأطفال وضع الزي الشعبي الولادي في طوق والزي البناتي في طوق ثاني.

هذا اللي عندي والله وارجو أكون قد وصلت الفكرة

سكرعسل

03-04-2007, 09:24 PM

هلا اختي بالنسبة لسؤالج عن القصة في قصص كثيرة بالمكتبات مع شفافياتها وشريطها وتطبيقاتها
تقدرين تحصلينها فى دسمان وومكتبة السنافر بالاندلس وسوق الاسرة بالفحيحيل

اما اختي
حبيبتي ابي تفهميني اشلون بالضبط نستخدم الفلوس كمنبه لخبرة الزي الشعبي عجبتني الفكرة:
الفلوس عملة النصف دينار بالخلف رسمه صبيان لابسين دشاديش وعملة الربع دينار خلفها صورة بنات لابسين شعبي استخدميهم
اتمنى انى افدتكم