ابلات الله يخليكم ساعدوووني ابي منبه !!

[الزين يفرض نفسه]

السلام عليكم ورحمة الله وبركاته



انا هذي اول مشاركة لي في المنتدى

وانشاءالله بحيل الله اذا ساعدتوووني بكون شاكره لكم وارد لكم يد المساعده انشاءالله قريبا


حبايبي انا بااااجر واكرر ((بااااجر)) يعني باكر يعني غدا يعني الاثنين الموافق 5/3/2007


عندي نشاط لاصفي ((بالمطبخ))


وبسوي توست على علم الكويت (جبن ابيض وزيتون اسود وطماط احمر وفلفل اخضر)

بس شلون ابتدي الدرس؟؟؟

يعني شنو احط منبه ؟؟



مع العلم اني انا طااااالبة تربية عمليه icon34



يعني الله يعينكم علي icon24

[محبة الله]

وعليكم السلام ورحمة الله وبركاته


الله يوفقج إختي في عملج


لكن إلى ما فهمت إيش قصدج بالمنبه (اعذريني بس حبيت استفسر )


وإن شاء الله (لاحظي شلون تنكتب ) وإن شاء الله يسخر لج من يساعدج


تقبلى مرور إختج محبة الله


اللهم صل على سيدي محمد وعلى آله وصحبه أجمعين

[سكرعسل]

حبيبتي انا امس كان عندى مطبخ وسويت نفسج بالضبط
وكان منبهي انى يبت الطماطم والخيار والزيتون وذكرت لون كل واحد وقلت لهم شنو تذكرنا هالالوان؟ طبعا مستوى ثاني كبار ويفهمون بالتالي راح تتوصلين لعلم الكويت اى ولا تنسين تذكرين لون الجبن او اللبنه
وسلوكيات المطبح الحذر من الادوات الخطرة وغسل الايدى وترديد الادعيه قبل الاكل وبعده وقبل العمل سوى نموذج للاطفال على التوسته بشكل علم وبعدين خلي يسمون بسم الله ويبدون العمل ونصيحة بدل الفلفل الاخضر حطي خيار وايد احلى وبدل الجبن الابيض حطي لبنه او قيمر

[الزين يفرض نفسه]

محبة الله شكرا على المرور

المنبه يكون في بداية الدرس وهو غير مباشر ويخلي الطفل يفكر ويشغل مخه ويستكشف ويسأل ويجاوب وووو الى ان نصل الى موضوع الدرس



حبيبتي سكر العسل


ابشرج : انا هذا اول مطبخ لي واليهال لعوزوووووني فوووضى وازعاج وعدم نظام مماقلنا دعاء ولا ذكرتهم بالسلوكيات الصحيحه والنظافه ولااااا شي ذبحوني كل واحد من صوب ما خلوني اشرح درسي حتن اني قتلهم جدام المشرفه ماراح اخليكم تشتغلون ولا تقصون خيار وطماط لانكم شياطين والمشرفه ما عجبها شي وقالتلي وايد فوضى وسويت التوست على علم الكويت بس واحد من اليهال تليقف وقال انا ادري بنسوي توست على علم الكويت مثل لمن سوينا في مستوى اول :) يااااربي صج شطار بس يبطون الجبد :) مرات تحسين تحبين الغباء P:

[محبة الله]

السلام عليكم ورحمة الله وبركاته


مشكورة إختي على التوضيح (الحين فهمت معنى منبه لأن كل وحده تبي مساعده تذكر المنبه وإختج الله أعلم


وش كانت تعتقده (الذكاء خارق يا سبحان الله ) ههههههه


هذا ما يسمى بالتمهيد !!!!


المهم

أقول إختي ليش ما دشيتي على اليهال بالأول وقلتي لهم إلى بيصير مؤدب راح أعطيه

جائزه طبعا ما تذكرينها لهم لأنهم بيتشوقون لمعرفتها ويتمون ساكتين لين تخلص حصتج

(عاد الهدايا أما تكون شكلاته (جلكسي يميم) أو أشياء بسيطه شكلها حلو(بميةفلس أو ربع دينار

موكثيره على كسب راحتج وكسب حبهم بعد بس ما تقصين عليهم وما تجيبين لهم شي لأنهم صج

بيبطون جبدج فالمرات الجايه )

وبعدين مايبي كل هالعصبيه منج نزلي لمستواهم وراح تشوفين العجب هههههه

الله يعينج ..تمنياتي لج بالتوفيق .. وحظ أوفر بالمره الجايه

أعتذر إختي على الإطاله

وأشكرج على التوضيح باركـ الله فيج

تقبلى مرور إختج محبة الله

اللهم صل على سيدي محمد وعلى آله وصحبه أجمعين

[سكرعسل]

الله يعينج وكل شى في بدايته صعب وانصحج بالبداية قبل لاتجى فترتج انج تمهديلهم الموضوع وتقولين الحين بروح مثلا المطبخ واللى يصير شاطر بعطيه هديه وماوصيج كثرى من العاب ابو اميه ووالعاب مميزه خاصة للصبيان وعاقبى اذا ماطاعو كلامج والله يعينج