هنا منبهات لخبرة النفط وكل ماتحتاجونه

[سكرعسل]

حبيباتي المدرسات الخبرة الجايه هى خبرة النفط والكل يعرف انها خبرة ثقيله نتمنى انها تمر بسلام بياديكم الفاضلات خواتي لاتبخلون بالمساعده فى رفع الموضوع لانها راح تمتد لمدة اسبوعين اتمنى التواصل ولي عوده

[سكرعسل]

اولا المنبهات:
-حوض شفاف فيه عدة طبقات اول شى صخر او حصى صغير ثم رمل ثم تضعين بنصف الرمل حبر اسود وتغطينه
ببلاستك ثم تضعين الرمل الباقى وهذا يصلح لاول يوم بالخبره وكيفيه التنقيب عن النفط


-حوض رمل بوسطه حبر اسود فى قنينه بلاستيك شفافه ( نصف علبة مياه معدنيه) وتضعين فيه خل
ثم فى بدايه الحلقه تشرحين ان الرمل هو حقل نفط وكيفيه استخراجه بشكل سريع تضعين البكربونات الصودا راح تتفاعل وتصعد لبرا مثل السفن اب


- ورق اسود او رمادى
على شكل العدد 8 يكون مع مستطيلين يكون شكل الحقل


- ورق رمادى او اسود بشكل اكس علامة الضرب ومستطيلين بشكل مائل لتكوين شكل الحقل


-علب روب فارغة واعواد مصاص وقصدير وفلين مضغوط لتكوين شكل الحقول البرية


عزيزاتي اتمنى منكم التواصل لرفع الموضوع ولاتبخلون بما لديكم

[سكرعسل]

ثانيا العددى:عزيزتي ممكن تعدين الصناعات البلاستيكيه الاكواب او النتتجات البتروكيماوية مثل الفازلين الاكياس النايلون الخ
المنبه قصة عن رحلة اسرة الى البر ونسال الاطفال ماذا نحتاج للرحلة حتى يتوصلو الى المنتجات البلاستيكيه والتاكيد على الاهتمام بالبيئه والنظافة ووضع القمامه باكياس
طبعا راح تكون مجموعة واحده للعدد اللى وصلتوله واعتقد العدد 9 او عشرة
ثم يعدون اغنيه العدد بعد التصنيف ووضع رمز العدد وكتابته
تبدين بوضع بعد المسابقات العدديه
حبيباتي لى عودة بإذن الله واذا تاخرت بالردود عليكم تعرفون ضروفنا يالمدرسات وترى الموضوع لكم منكم وفيكم تحياتي

[anona79]

السلام عليكم
اختي الكريمة اشكرك على الأفكار الحلوة
بس انا تخصصي مستوى اولى ( خبرة البر ) ياريت اذا عندج افكار تفيدني

وشكرا

[سكرعسل]

هلا والله اختي بالنسبة لخبرة البر :تقدرين تجيبين فلين مضغوط وتلصقين عليه رمل تبدين مع الاطفال ماهذا هذا رمل اين نشاهده الى ان يقولو البر بعدين تكون عندج سله صغيرة فيها حيوانات البر النافعة والضاره تسالينهم ماذا نشاهد فى البر راح يقولون عشت تحطين على الفلينه العشب الصناعى وكل مايقولون حيوان تخلينه يحطه على الفلينه الى ان يكتمل درسج حتى اذا عندج خيمه صغيرة بعد حطينها ترا وايد حلو هالمنبه ويصلح هالدرس حق اول يوم بالخبرة او درس حيوانات البر الضارة والنافعه اتمنى انج تستفيدين

[سكرعسل]

نكمل
ثالثا: الفنية
تستطيعين تسوين مشروع أبار النفط الادوات اللى تحتاجينها: علب روب فارغة او عليب حليب كارنيشن ، اعواد مصاص ،قصدير، فلين امريكي مضغوط لون رمادى او فضى ن ورق اسود لعمل شارع، سيارات وطائرات صغيرة
الطريقة: تلفين علب الروب بالقصدير وكذلك اعود المصاص وحتى تصبح مثل ابار النفط والانابيب النفطية
اذا تبين تسوين بحر تجيبين قطن وترشينه صبغ ازرق وتلصقينه ، الشارع تحطينه على صوب وتركبين عليه السيارات والطائرات ( الوقود مشتقات نفطية)

[سديم الكويت]

يسلملي راسج يارب


تصدقين انا وااايد متوهقه فيها

لاني تربية عملية والموجهه ناويه علي نيه بهالخبره

وموعارفه شنو اسوي



بنااات هذي اغنية حلووه وعلى فكره تراها منقوله وياليت تعجبكم


اغنية خبرة النفط .. اهي على لحن .. ابعد وخليني محمد المازم .. وهذي الكلمات

الخير في ارضنا
موجود في نفطنا ..

نعمة من الرحمن .. يا رب تحفظها

برقان والروضتين..
ومحطة البانزين ..

يشغل السياره ..
ويطير الطياره ..

وسلامتكم





وياليت بنات تعطونا افكار لمنبهات

بلييييييييييييييييييز

[بلوشيه]

السلام عليكم انا جديدة في المنتدى واتمنى تسلعدوني......

ابي منبه( يتعرف على كيفية استخراج النفط)
ومنبه ثاني (يتعرف على مشتقات النفط)
واشكركم بليييييييييييز ساعدوني
واذا ممكن بعد لبي منبه (يتعرف على رمز العدد11) حق خبرة النفط...................
وشكرا

[معلمة متميزة]

منبه العدد قص ولصق دائرة ومثلث يكون كبوس عيد الميلاد وبعدين ماذا نحتاج للحفلة حتى يتوصلون للشموع لأنها منتجات نفطية وصنفي الشموع وشكرا

[معلمة متميزة]

منبه مشتقات النفط احضري علبة عصير وقص ولصق فضي واحمر وسوي منه محطة بانزين وبالتوفيق

[الفجر البــعيد]

السلام عليكم
ابي منبه لدرس يتعرف ان النفط ثروه قوميه
ومنبه لدرس يتعرف على كيفية تكون النفط

[ام فيصل الكويتيه]

الف شكر وجزاكي الله كل خير

[سكرعسل]

اعذروني على تاخير الردود كانت عندى مشكله فى كيبل الهاتف لي عودة بإذن الله

[سكرعسل]

سديم الكويت ----- مشكوووووورة على النشيده والله يوفقج
بلوشيه ----- حياج الله والبنات ماقصرو
معلمة متميزه------- ششكرررررررررررا للمداخلا ت الحلوه وخاصة منبة محطة البنزين

[سكرعسل]

الفجر البعيد ممكن لدرس النفط ثروة نفطيه تحطين صندوق مجوهرات وداخلة ذهب اكسسوارا وتسالينهم يقولون ذهب شنو لونه يقولون اصفر وتوضحين انه غالى بعدين تسالينهم تدرونان فيه ذهب لونه اسود وتخلينهم يفكرون شويه وبعدين تبينين ان النفط ذهب اسود لان قيمته عالية ومفيد----
اما درس كيفية تكون النفط ممكن تجيبين حوض رمل وتسوين طبقات صخر ورمل وحيوانات صغيرة وتبينين ان مع السنوات هالحيوانات والنباتات تتحول وتصير نفط والله يوفقج

[سكرعسل]

ام فيصل حياج الله

[الفجر البــعيد]

سكر عسل
جزاج الله خير والله يوفقج يارب

[بلوشيه]

انا اشكركم وايد على المساعدات بس ابي خدمة وياريت تنقذوني بسرعة ابي منبه ( يتعرف على الصناعات القائمة على النفط) ( يتعرف على كلمة ناقلة) واشكركم وااااااااايد

[أون لاين]

شو معنات منبه لأني وايد أسمع الكلمة هذي وأحاول أساعدكم ولكن مع الأسف ما أقدر لأني مب فاهمه معنى منبه جزاكم الله ألف خير عزيزاتي

[أم يوسف 6]

المنبة هو المثير اوبمعنى اخر اول وسيلة جذب لطفل فى بداية الدرس

[> شمس^^الكويت<]

السلام عليكم



ياليت يا خواتي تساعدوني انا تربيه عمليه ومو فاهمه شيء بخبره النفط




ابي منبه لهدف يتعرف على اهميه النفط ومنبه يتعرف على الموانئ النفطيه ومنبه لهدف يتعرف على بعض المهن المرتبطه بالنفط



وابي تفهموني عن شنو اتكلم في الموانئ والاهميه مو فاهمه الهدفين عدل














ياليت تساعدوني بسرعه ويعطيكم الف عافيه

[_مجروحه_]

أرحب بكل وحده دخلت موضوعي وسلام كبير مربع لكم




عندي حلقه ( يتعرف على العدد 11 ) شلون أقدمه وشنو أسوي فيه منبه ؟؟؟؟؟

وعندي بعد ( يتعرف على المنتجات النفطيه ) شنو اقدر احطله منبه وشلون اقدمه ؟؟؟؟؟

أدري فيكم الخير ماتقصرووووون ؟؟؟؟

[الزين يفرض نفسه]

حبيبتي سكر العسل مشكووووووره وتسلمين وما قصرتي والله انا استفدت وايد من موضوعج <<< طالبة تربية عمليه ما تعرف كوعها من بوعها :)


وانا بقولكم كل اللي عندي (من خبرتي اللي بو 3 اسابيع p:



المنبهات:

اكتشاف النفط
اخرجي بالاطفال الى ركن الماء والرمل واشرحي كيف كانت الكويت قبل النفط صحراويه وتم التنقيب عن النفط والحفر (احفري واستخدمي ادوات الرمل) وتكونين حاطه من قبل كيس نايلون فيه سائل اسود وبعدين تقزين الكيس النايلون حتى ينفجر ويخرج السائل

النفط ثروه قوميه
نفس الطريقه السابقه مع احضار مجسم السور اللي اكيد يكون عندج من خبرة بلدي الكويت وتشرحين كيف كانت الكويت دولة صحراويه وبسيطه وفقيره وثم تغيرت فجأه وتحضرين مجسم شارع (ورقه سوداء فيها خطوط بيضا ورصيف) وتضعين سيارات واشارة مرور وتعملين شكل بسيط من البيوت استخدام المكبات والتغير صار بسبب ؟؟؟؟ اكتشاف النفط اذن النفط مصدر ثروتنا القوميه

يتعرف على مراحل تكوين النفط
تحضرين العاب ديناصورات مجسمات يعني وتحضرين اعشاب صناعيه وتشرحين كيف تكون النفط من الحيوانات المنقرضه هذي والاعشاب والصخور وغيرها ( هني اتيي شطارتج بمادة الجيولوجيا مادري الاحياء ;p )


يذكر اهمية النفط كوقود للالات والاضاءة
تحضرين كيس شفاف او سوليفان شفاف وتشكلين الكيس او السوليفان بيدك كأنه مصباح (لمبه) ويكون عندج اسلاك اللي داخل المصباح تصنعينها من علاقة الملابس السيم او من عود مصاص مغلف بالقصدير وتدخلين الاسلاك هذي داخل المصباح وتدخلين بالدرس // او تقدرين تحضرين قنينة مياة شفافه صغيرة تشبه المصباح


الفنيه
الله يعافي دسمان :)

وبس هذا كل اللي عندي اتمنى اكون افدتكم

[الزين يفرض نفسه]

الحين دوري ابي منكم مساعده



حق بااااااااااجر ابي منبه لكلمة ناقلة مادري كيف ابدي بالدرس وانا اول مره اعطي كلمة يعني مادري شلون الدرس بيكون .... شنو احط مسابقات وشنو اتكلم عن الناقلة ؟؟؟



وعندي يوم الاثنين بعد بكررررره الهدف هو التعرف على منطقة الاحمدي كمدينة نفطيه ..... شلون يعني ؟؟؟؟ شلون اتكلم عنها وشنو احط منبه ؟؟


وشكرا :)

[sadeem yam yam]

أحب اشكر الاخت سكر العسل وجميع الاخوات الي ماقصروا .. واستفدت حيل من هالموضوع ولو اني مادريت عنه الا من فتره بسيطه :)

وانا تربيه عمليه وعلى قوله الاخت الزين من خبره هالثري ويكس اتمنى افيدكم يااارب icon34

اختي الزين .. من ناحيه كلمه .. تقدرين تعرضين منبه استنتاجي عن النفط ... مثلا على هيئه قصه .. ذهب احمد مع اسرته في رحله الي البر ... المهم ان السياره توقفت لماذا يااطفال .؟ الي ان يتوصلوا الي البنزين ..طبعا تقولين لهم من وين ناخذ البنزين بيقولون لج المحطه ومدري شنو .. تسألينهم من وين يأتي البانزين .. من النفط والنفط في باطن الارض ولكن كيف انتقل الي المحطه والخ الخ .. طبعا غيري عن الي قلت لج اخاف غلط ولا شئ ;) بعدين تقولين اطفال النفط ينقل بواسطه ناقله النفط يااطفال وتعرضين لهم مجسم او صوره ... مارايكم ان نتعرف الي كلمه ناقله
بعدين تتبعين خطوات الكلمه وهي قراتها فردي وجماعي وعلى الحاسوب ومطابقه كلمه بكلمه وتكتبيها على السبوره بلونين مختلفين وهم بعد يحطونها بجمله مفيده والصوت الاول ...


مسابقه >>> تحطين لهم صوره حقل نفط وتقولين من يحضر لي الناقله لننقل النفط ويكون عندج سله فيها اكثر من صوره او شكل طبعا اهما فريقين .. وتنتقل بينهم بالتواتر بحيث يصير اول واحد او الي يعلقها يم الصوره ( يعني يكونون على شكل قاطره والسله بالاخر ويودونها للاول بحيث يشاركون كلهم )


اووووف تعبت :) وبالتوفيق اختي الزين واسمحيلي اذا مارديت عليج بطلع اكمل شغلي عندي باجر حركيه

[سكرعسل]

يلا كلنا نصفق حق روحنا صفقة كبيرةةة يااطفال عفوا اقصد يامدرسااااتicon11
طبعا الموضوع ارتفع بجهودكم وكرمكم وتعاونكم مع بعض وانتو ماقصرتو كفيتو ووفيتم

اشكر كل اللى دخل هالموضوع واعتبروه موضوعكم ويلا شدوا حيلكم وسووموضوع للخبره الجاية المواصلات والاتصالات

[سكرعسل]

اختي الزين يفرض نفسه اقولج الله يوفقج ان شاء الله وجميع المدرسات وماشاء الله عليج توج تربيه عمليه ومنبهاتج روعة لاتحرمينا من مشاركاتج
بالنسبة لطلبج الله يعينج لان دروسج تلوع الجبد ونا لغيتها من جدولي المهم
بالنسبة للكلمة درسج مايكمل الا بناقلة مصغرة او صورة بس لو عندج مجسم ناقله بيصير احلى وبالنسبة للكلمة
لازم مؤتلف ومختلف
المؤتلف كلمتين ناقله وكلمتين مختلفتين من خبرة سابقه ويوصل الطفل للكلمه المتشابهه
المختلف ثلاث كلمات متشابهات مثلا كلمة طبيب والطفل يضع الطوق عليها او يرسم دائرة وكلمه ناقله
وبالنسبة ليوم الاثنين لازم عندج خريطة الكويت تحددين فيها منطقة الاحمدى وتحطين لهم برنامج الحاسوب عن المواني او شريط فيدو وطبعا لاتنسين مصورات للميناء

[nerovv]

درس الناقله محد هاضمة
وخبرة النفط بكبرها علللله
مشكوره يا اخت سكر عسل
ونبي نتفاعل اكثر حق الخبرات اليايه
نفيد بعض ونستفيد

[ام فيصل الكويتيه]

لوسمحتوا خواتي ابي منبه وخطوات الدرس لمنتجات النفط
وشكرا مقدما

[nerovv]

up up up up up up