لغز يا أهل الألغاز [الارشيف]

thamer_37

03-20-2007, 05:06 AM

أنشدك عن رجل يتردد بممشاه ....أفنى شبابه بين روحه وجيه
وليا دعيته جاك يكشف خفاياه....تدخل بسجنه دون جرم وقضية
سجنه يجنبك الشقا والمعاناه ....وان ما لقيته كود تلقى خويه

مع التحية ,,,

thamer_37

03-21-2007, 03:19 PM

هل اللغز صعب الى هذه الدرجة ؟

طيب اكيد تبون توضيح....
الحل : شيئين ...الأول : الرجل الذي يتردد بممشاه ويدخلك في سجنه ...,...والثاني : خويه
والاثنين ..جماد ...

الرجل اللي يتردد بممشاه ..لايمكن يكون وحده , فهو لايستغني عن خويه..... وتجدهما في موقع واحد ...

أما الثاني ..اللي هو الخوي .....غالبا تجده لوحده ...فهو يستغني عن هذا الرجل الذي يتردد في ممشاه..

إذا التوضيح غير واضح ..أوضح أكثر ...وإذا تبون الحل احله

thamer_37

03-22-2007, 05:50 PM

بصراحة ...اشعر بالاحباط بينكم ...مافيه حتى تعليق...انا لاحظت في منتديات اخرى ...ان الاعضاء احزاب..

يعني شاركني بموضوعي واشاركك..واعتقد انكم كذلك...

اللغز ملغي...وآسف على المشاركة

همس النجوم

03-22-2007, 11:39 PM

السلام عليكم ورحمة الله وبركاته
أخوي ثامر اللعز صعب شوي ولكن يمكن يكون القلم والورق والله أعلم
لك تحــــــــــــــــــــــياتي

thamer_37

03-23-2007, 08:55 AM

اهلا همس النجوم

حقيقة شفت مشاركاتك 7 يعني جديدة مالك ذنب ...والا ما ارد لأني احبطت ..اللغز صار له كم يوم ..ولامشاركة..

حتى من الاشراف ...لما تكتب موضوع وتشوف الكل متفق على الصمت ..اكيد بتحس انك هنا بالغلط...

عموما سيدتي ...الحل علشانك ..هو:

(الرجل اللي يتردد بممشاه) : اللفت (الاسنسير)..(وافنى شبابه بين روحة وجيه) ...يعني طالع نازل..
(وليادعيته جاك ...وتدخل بسجنه)..اعتقد واضح انك تدعيه بالزر حق اللفت وتدخل بسجنه يعني داخله..
(سجنه يجنبك الشقا والمعاناه)...اكيد الطابق العاشر ماتوصله الا على بطنك..فهو يريحك عن السلم..
(وان مالقيته كود تلقى خويه)..المقصود (خويه) اللي هو السلم العادي...وما فيه مبنى يخلو من احدهما...اوكليهما..

اسف على الاطالة واتمنى اني وضحت ... تستاهلين ياهمس النجوم ...
مع التحية,,,

صغيرونه

03-23-2007, 07:15 PM

شكراً على اللغز والاجابه
اصلاً انا ما ادخل هذا القسم الا نادراً ولا كان احاول اجاوب عليه او ارد على الاقل

thamer_37

03-23-2007, 11:22 PM

هلا صغيرونه ...

حضورك النادر يكفي ويضفي اثراء للموضوع ...حتى لو كان لغزا ...

فالكثير غيرك , له الحضور الكثير ولكنه لايكفي ولايضفي....

الشكر لك اختي الكريمة ...

مع التحية ,,,

مكتبية

07-15-2007, 05:11 PM

ولا تزعل يا ثامر دخلنا لكن بعد ما شفت الحل ... هههههههه
بس بصراحة اللغز مرة خطير ...
يعطيك العافية عليه......
وننتظر المزيد ولا تقول انكم احبطتوني .......
خلك قوي وفوق ها التصورات.........
والله يحفظك........