تعزيز

[anona79]

قوة أبلات
يوم السبت عندي تعزيز كلمة سيارة ، أبي منبه بسيط ، وشنو ممكن أحط ألعاب للأطفال

[sadeem yam yam]

نفس الشئ اانا بعد عندي تعزيز كلمه هاتف ومتوهقه بالمسابقات مدري شنو احط والمشكله اني تربيه عمليه ومشرفاتنا يقولون نبي ابداعاات ... تكفوون ساعدوني بأفكاركم ادري فيكم ماشاء الله مبدعين

وبالنسبه لصاحبه الموضوع ممكن منبهج تسوين على الحاسوب شكل مستطيل وتناقشينهم فيه بعدين تكتبين ارقام مثل لوحه السياره الي ان يتوصلون للسياره ودشي على درسج :)

[anona79]

مشكورة اختي على الرد
انا عندي جم لعبة بس وايد سويتهم وعلى قولتج المشرفات يبون ابداعات بس أقدر أفيدج بجم لعبة
1- لعبة البولنج : تحطين 3 قنينات بولنج وعلى وحدة كلمة هاتف وبالباقي كلمات سابقة وطيح كلمة هاتف
2-القعة : تلصقين عليها كلمة هاتف وطفل يلبس القبعة وكم طفل يصيدونه ( لعبة صيده مصيده )
3-الكلمتان المتشابهتان : بطاقات كلمتين هاتف وكلمتين من كلمات سابقة ويخرج الكلمتان المتشابهتان
4- كتابة الكلمة أو تركيب الكلمة
5 - الأظرف الملونة:تحطين 3 أظرف كل ظرف لون وفيه كلمة الخبرة وتحطينهم على الأرض ونفس طريقة لعبة الكراسي الى أن يبقى ظرف واحد وتسألين ما هذه الكلمة
6- لعبة جمع الكور : تكتبين عليهم الكلمة ( هاتف ) وبعضهم من غير شي وبين طفلين أسرع طفل يجمع الكلمات
7- توصيل صورة هاتف لكلمة هاتف بس لازم طبعا تحطين كلمة ثانية غير هاتف مثل كلمة ( نفط )

هذا اللي عندي ، واذا عندج أفكار خبرينا

وشكراً

[sadeem yam yam]

مشكوره حبيبتي وااايد حلووووووووه افكارج
انا اليوم سويت التعزيز ... بس للاسف ماشفت موضوعج الا الحين يعني عقب ماقدمت هههههههههه
سويت اليوم لوحتين والمسابقه على مجموعيتين وحطيت كلمات منهم اكثر من كلمه هاتف ويحط دائره على الكلمه
ايضا تي شيرتات طبعت عليهم كلمات هاتف وكلمات ثانيه اهو يعلق كلمه هاتف .. صندوق الكنز ايضا .. يبحث لي بالصندوق عن كلمه هاتف بين اكثر من كلمه ... والحمدلله الدرس اعجب المشرفه

[عذوب-77]

icon33 anona79

مشكووووووره على الألعاب
وياليت المعلمات يتواصلون معانا :) أكثر
للاستفاده ولتبادل الخبرات بيننا



بالتعزيز استخدم الالعاب هذي :

1- عندي لفينه مسويتها عند المكتبه (مفرغين فيها ثلاث مربعات كأنها شبابيك وخلف الشبابيك
أنا مغطيه بخام أو اذا ماعندج تقدرين تحطين ورق كريشه من ورا الشباك وتحت كل شباك من خلف الفلينه
ظرف فيه كلمه)مثلا سيارة وسفينه ومربع ..كل طفل يقرا الكلمه الللي طلعت له اما الطفل اللي عنده كلمه سيارة فتطلب منه المعلمه ان يقلد لها حركة مقود السيارة. ((طبعا عندي اغنية برنامج شبابيك اشفلها قبل لا نبدأ اللعبه))

2- عرض شفافيه على جهاز البروجكتر مكتوب فيها الكلمات السابقه وكلمتان سيارة وتطلبين ان يوصل الطفل فيما بين الكلمتان المتشابهتان..ثم تعرضين شفافيه اخرى مكتوب فيها كلمات سابقه وكلمه سيارة وحده وتطلبين من الطفل ان يرسم دائرة حول كلمه سيارة.

3- عندي ستاندين رابطه بينهم حبل ..أوزع الكلمات السابقه على الارض وبينهم 4كلمات سيارة
واطلب من اربع اطفال ان يعلقوا لي فقط كلمه سيارة على الحبل.

هذا اللي اتذكره حاليا :)

[anona79]

العفو اختي عذوب-77
وانتي بعد وايد مشكورة على الأفكار الحلوة
وانا مثلج اتمنى من الأبلات اللي عندها أفكار ما تبخل علينا

[عذوب-77]

icon33 يسلمووووووووووو اختي

:)


اسفه عالبدليه :)


لفينه = فلينه

[الزين يفرض نفسه]

انا طالبة تربية عملية والاسبوع الياي مادري شنو اقدم لاصفي


والله على افكاركم افكر اسوي درس تعزيز كلمة سيارة


شرايكم ؟؟؟؟ الابلات اللي معاي يقولون اخذي مطبخ او نادي علمي او مرسم او اي شي ما عدا التعزيز لانه يشششلع القللللللللب !!!!!


بس افكاركم حلوه ما شاء الله عليكم واذا سويت الدرس ببشركم :)

[عذوب-77]

الزين يفرض نفسه

:)

حياج الله اختي
ونتشرف اذا معلمه استفادت من تجاربنا
وخبراتنا :)

واذا محتاجه أي درس
أنا حاضره اكتب لج الدرس بالكامل

وانتي بعد عطينا أفكار رفيجاتج المعلمات
ودروسهم للاستفاده وخلينا نشوف لج موضوع :)

icon33

[sadeem yam yam]

عذوووب حياتي ابيج تساعديني بأفكار ولاهانوا باقي البنات ..
عندي ربط العدد بمدلوله ومدري شلون ابدا ولاشسوي ... وابي ابدااع ومسابقات حلووه وابي الطريقه الممتازه للتقديم وعشمي فيج ...
وبالنسبه لمنبه لكلمه سياره سوته رفيجتي وماقدر اعيده ..
انه تحطين لهم رقم 2 عربي وتسالينهم عنه ثم تحطين رقم 6 وتقربينهم من بعض بيطلع لج شكل مربع بس ناقص ضلع واحد من اسفل اتمنى فاهمين علي .. عقب جيبي لهم شكل مستطيل واساليهم عن الشكل واللون وحطيه على السبوره .. وايضا دائرتين سود وقولي شنو ممكن اصنع منهم ... بيقولون حقيبه اي شئ عقب انتي وصلي حطي المستطيل تحت الاعداد وعقب الدوائر بيطلع لج شكل سياره

اتمنى افتدكم

[عذوب-77]

اول شي شنو هدفج الوجداني والحركي؟
وشنو بتصنفين مواصلات بحرية والا برية؟

عشان اكتب لج الدرس:)
انتظر ردج

[sadeem yam yam]

هلا حبيبتي الهدف الوجداني يااما انه السير على خط المشاه او ربط حزام االامان والحركي مدري انتي شوفي الي يناسبج ...وانا بصنف مواصلات بريه <<سيارات
وشاكره لج حبيبتي واسفه اذا ضايقتج بس هالميداني تعبنا والمشرفات يبون ابداااع غير شكل ..
وعلى فكره عذوب ممكن ولا عليج امر ابي منج تنزلين لي اغنيه فوز فيها ...

[عذوب-77]

sadeem yam yam

:) بالعكس حبيبتي مااتضايق
بس ادعولي بالتوفيق والذرية الصالحه :)

وبالنسبة للأغنية انا موجوده عندي على شريط كاسيت
بس بحاول أدورها لج بالنت.

وبالنسبه للحلقة أو العمل الجماعي الأهداف كالآتي:
يربط العدد (...) بمدلوله
يلتزم بقواعد الأمن والسلامة
يقلد حركة ربط حزام الأمان.... أو .... يقلد حركة سير السيارة

المنبة أو المثير:
سوي ديكور أو بطاقات مكتوب عليها شارك معانا
أو برنامج فوز فيها ..واكتبي هدايا قيمة.
وشغليلهم الاغنية فوز فيها وامسكي معاج شخصية ولد
وقوليلهم ان فلان ولد شاطر شارك بالبرنامج وحصل
على جائزة قيمة وتعرضين أمامهم صندوق يكون فيه
سيارات وطائرة وسفينه أو قارب وسيارة تكون نفس اللون
بس تختلف عنهم بالحجم مثلا..المهم تسألينهم شنو ممكن يكون
داخل هالصندوق؟خليهم يعبرون ويتخيلون شنو موجود فيه
بعدين فتحي الصندوق وطلعي اللي فيه جدامهم واسأليهم
عن السيارة ماذا نفعل عندما نركب السيارة؟نربط حزام الامان
اذن هيا نقلد حركة ربط حزام الامان.
وماذا نقول عندما نركب؟نردد دعاء الركوب(شغليلهم الدعاء من شريط هدة حسين
اللي فيه اوبريت الخليج) وطبعا خليه سلوكيات ان مانخرج رأسنا من الشباك
ونهتم بنظافه السيارة.
بعدين اطلبي من طفل ان يضع السيارات الحمراء مثلا بالطوق
وتكون سيارة حمرا خارج الطوق بس كبيرة وتسألينهم لماذا لم تضع هذه السيارة؟
يقول الطفل لانها تختلف عنهم بالحجم فهي كبيرة.
تعرضين العدد عليهم وتقرونه جماعي وفردي
بعدين تبدين بالالعاب:قسمي الاطفال ثلاث مجاميع
1-حطي متاهه ويوصلون بين العدد وبين السيارات مثلا.
2-ومجموعه عندها لعبة الدامه مثلا والاطفال يضعون داخل المربع حطب حسب العدد اللي أخذوه.
3- والمجموعه الثالثة يكون عندها مشابك الغسيل وكل طفل يعلق على زميله مثلا 6 مشابك
او أكثر حسب العدد اللي ماخذينه.

طبعا....الألعاب تلعبيهم ورا بعض..يعني تنادين المجموعه مثلا الحمرا وتلعبينهم المتاهه
عقبها المجموعه الخضراء الدامه والزرقاء المشابك

وانا ألبسهم بطاقات الحركية حمراء وزرقاء وخضراء.
وسلااااااااااااامتج:)

[sadeem yam yam]

ابداااااااااع ياعذووووووووووب الله يوفقج يالغاليه ويرزقج بالخلف الصالح عاجلا غير اجل يااكريم

مشكوره ياحياتي ... بس انا بغيت اغنيه فوز فيها .. لان عندي تعزيز كلمه سياره وحسيتها مناسبه اكثر من العدد ... بس بشوف لي فكره شلون ادخل عليهم السيارات ومسابقاتج واااايد رووووووووووعه
تسلمين وتسلم هالانامل الي كتبت هالابدااع الله يحرمها على النار ياااااااارب
مشكوره يالغلا ماتقصرين

[عذوب-77]

حبيبتي والله مالقيتها لج بالنت

:) بس مو مشكله قولي لهم برنامج يبيله
وانا بنزل لج اغنية يبيله بدل برنامج فوز فيها.

[عذوب-77]

:) للرفع:)